देशी रंग

देशी रंग
सुथरी छोरी, आपणै घेर म्हं, भेवण लागरी सानी।
आ छोरे नअ् हाथ पकड लिए, देखण लागै सामी।।
दोनूंआ नै नजर मिलाई, छोरी की बाहण भाजी आई,
फेर उसनै एक बात बताई, मां आली घेर कानी,
आ छोरे नअ् हाथ पकड लिए, देखण लागै सामी।।
सुथरी छोरी, आपणै घेर म्हं, भेवण लागरी सानी।
छोरा नै आपणे घरां बुलाई, प्यार की बात बतलाई,
धोरे बैठ रोटी खुवाई, गेल्यां लिया ठंडा पाणी,
आ छोरे नअ् हाथ पकड लिए, देखण लागै सामी।।
सुथरी छोरी, आपणै घेर म्हं, भेवण लागरी सानी।
दोनूं नुए मिलण लागै, प्यार आले गुल खिलण लागै,
धरती,पेड हिलण लाग्गै, रात थी तूफानी,
आ छोरे नअ् हाथ पकड लिए, देखण लागै सामी।।
सुथरी छोरी, आपणै घेर म्हं, भेवण लागी सानी।
सारे घरक्यां की आंख लाग्गी, छोरी घर तै भाजगी,
फेर छोरी की मां जाग्गी, बोली छोरी जाली टैशन कानी,
आ छोरे नअ् हाथ पकड लिए, देखण लागै सामी।।
सुथरी छोरी, आपणै घेर म्हं, भेवण लागी सानी।
फेर छोरी नै प्लान बणाई, कठै करांगे ब्याह अर् सगाई,
फेर कोर्ट म्हं अर्जी लाई, छोरी कती ना मानी,
आ छोरे नअ् हाथ पकड लिए, देखण लागै सामी।।
सुथरी छोरी, आपणै घेर म्हं, भेवण लागी सानी।